l5o8]

DE LA VILLE DE PARIS.

145

viennent et pevent chascun jour advenir à la chose publique de ce Royaulme, à faulte de dresser et melLre suz une bonne force par la mer, desirant y remedier et pourveoir, a assemblé plusieurs bons et grans personnaiges, gens de conseil et autres cn ce congnoissans, pour adviser de faire et dresser lad. force. Par l'advys et conseil desquelz a esté advisé et deliberé par led. S^r que les bonnes villes de ce Royaulme feront faire chascune de leurs deniers commungs ung navire du port de quatre cens ton-neaulx ou au dessus, duquel navire lad. ville et les marchans d'icelle se pourront ayder et servir en temps de paix en leurs affaires et marchandises; et pour leur ayder et entretenir led. navire oud. temps de paix, led. S^r leur donnera par chascun an cent francs pour chascuns cent tonneaux que led. navire aura de port : qui seront pour navire de quatre cens tonneaux quatre cens francs par an, et de v° tonneaux v^cfrancs, et de plus plus pro rata. Et quant led. S^r aura a besongner desd, navires ou en temps de guerre, il s'en servira en les frétant et noli-geant.

re A ceste cause, led. s^r de Montmorency Ies requerra de par led. S^r, comme la principalle ville de ce Royaulme et qui peult plus avoir d'inlerest en ceste matiere, tantpour le fait dela marchandise à cause du grand nombre de marchans et gens faisant fait par Ia mer estans en lad. ville, comme aussi pour

le repoz et seureté d'icelle; car estans les ennemys oud. pays de Normandie, les marchans et habitans de lad. ville ne seroient en seureté, et fauldroit que la pluspart du traffic et entrecours de la marchandise cessast; à quoy, comme bons, vrays etloyaulx subjectz, ilz doyvent bien penser et de tout leur povoir s'employer ad ce que lad. force de mer s'i mette suz. Et de ce fera led. s^r de Montmorency toute instance envers eulx, par tous les meilleurs moyens et remonstrances qu'il pourra, et communiquera cest affaire à mons^r le premier president, ad ce que de sa part il s'i employe et tienne la main.

k Fai t à Bloys, le xi⁰ jour de Janvier l'an mil v^c sept. "

LOYS.

Ainsi signé : Rohertet.

Après la lecture desquelles instructions mond. s^rde Montmorency a dit : "Mess", je suys certain que le Roy vous a en recommandacion par dessus toutes les villes de ce Royaulme. Vous avez ouy ce qu'il vous requiert, et pour quelles causes; par quoy devez bien adviser de luy complaire en cest affaire. "

Ce fait, s'est retiré fors. Et après, a esté advisé de remettre la response de ceste matiere à mercredi prochain, que l'on fera autre assemblée de plus grant nombre de gens, et mesmement de ceulx qui hantent le train et marchandise de mer, lesquelz en sauront mieulx parler.

CCXXXIV.-----DELIBERACION ET RESPONCE SUR LE FAIT DU NAVIRE DE 1111^e TONNEAULX REQUIZ PAR LE Rov

À sa ville de Paris.

26 janvier i5o8. (Fol. 196 r°.)

En continuant lad. matiere, led. mercredi xxvi° jour de Janvier, fut faicte autre assemblée en l'Ostel de lad. ville de Paris, en laquelle furent convoquez de rechef mess" les Conseillers de la Ville et avecques eulx les Quarteniers et plusieurs marchans d'icelle, mesmement ceulx qui entre les autres plus fréquentent le train et marchandise de mer; et illec par ordre de inons^r le Prevost des Marchans releues lesd, lettres du Roy et instructions, pour cause d'aucuns qui n'avoient esté presens en l'assemblée precedente. Et après ce, ont esté demandez les advis et oppinions à ung chascun cles assistans, et finablement conclud et deliberé:

Que led. navire de quatre cens tonneaulx que le Roy requiert et demande à sa ville de Paris, luy sera fait et octroyé pour luy complaire et obeyr. Toutesfois pour ce que les marchans ont dit et remonstré

que peu y en a en ceste ville qui facent voyaiges et train de mer, et treuvent plus davantaige à faire leur emplette à Rouen et autres pors de mer en France, ou de fréter petiz navires de Flandres ou Bretaigne, du port de lx ou un" tonneaulx, quant ilz font voyaige, que d'en avoir de propres et de plus grand port, et ne se congnoissent à les entretenir et gouverner: par quoy en temps de paix led. navire de 1111^e tonneaulx sera de nulle utilité et prouffict à icelle ville et marchans d'icelle ;

A esté advisé et conclud en icelle assemblée, que de ce l'on advertira de par la Ville mons^r de Paris et aussi mons^r le premier presidant, lesquelz sont de present en Court, en les requerant que leur plaisir soit eulx employer ad ce remonstrer au Roy, et estre moyens que led S^r se vueille contanter d'ung navire de moindre port que desd. 1111^e tonneaulx;

-9